दलित महिलाद्वारा राष्ट्रपति भण्डारीलाइ बधाई

Dalit Women right activists with President Mrs. Bidhya Devi Bhandari

Dalit Women right activists with President Mrs. Bidhya Devi Bhandari at Sital Niwas, Kathmandu.

राजेन्द्र ताम्राकार

काठमाडौं÷कात्तिक, २३, दलित महिला अधिकारकर्मीद्वारा राष्ट्रपति विद्यादेवी भण्डारीलाई बधाई तथा सम्मान व्यक्त गरिएको छ । 
राष्ट्रपति भवन शीतल निवासमा भएको उक्त कार्यक्रममा संविधान निर्माण पछि गणतन्त्र नेपालको पहिलो महिला राष्ट्रपतिमा निर्वाचित हुनुभएकोमा बधाई तथा सफल कार्यकालको शुभकामना दिनुभएको हो । 
उक्त कार्यक्रममा दलित महिला संघ (फेडो) की अध्यक्ष तथा अधिकारकर्मी दुर्गा सोब, कला स्वर्णकार, पुण्यवती रम्तेल, रेनु सिजापती, लक्ष्मी न्यौपाने, सम्झना अछामी लगायतका महिला अधिकारकर्मीको उपस्थिति रहेको थियो । 
राष्ट्रपतिसंगको भेटमा नवनिर्वाचित राष्ट्रपति विद्यादेवी भण्डारीले आफू अहिले राष्ट्रको अभिभावकको रुपमा जिम्मेवारीपूर्वक काम गर्न लागिपरेको बताउनुभयो । भण्डारीले आफू महिला भएकाले आफूले राम्रो काम गरे सबै महिलाका लागि गर्विलो इतिहास बन्ने र त्यसले आम महिलाको मनोबल उच्च राख्न सहयोग पुग्ने विश्वास व्यक्त गर्नुभएको छ । 
उहाँले आफू वर्गीय मुद्दामा मात्रै केन्द्रित नभएर संविधानको परिधीभित्र रहेर देश र जनताको हितमा सकारात्मक सन्देश दिनेखालका काम गर्ने बताउनुभयो । आफूले अहिले राष्ट्रप्रमुखको जिम्मेवारीमा आउने सोँच बनाइसकेको अवस्था नभएको तर राष्ट्र र नेपाली जनताले आफूलाई उक्त जिम्मेवारी दिएकाले आफूले आगामी दिनमा पदीय जिम्मेवारीलाई कुशलतापूर्वक निर्वाह गर्ने विश्वास व्यक्त गर्नुभएको छ । 
राष्ट्रपतिसंगको भेटमा राष्ट्रिय महिला आयोग, राष्ट्रिय तथा अन्तर्राष्ट्रिय गैर सरकारी संघ संस्थाहरु, पत्रकार, व्यावसायिक, उद्यमी, समाजसेवी महिला अधिकारकर्मीहरुले सामूहिकरुपमा बधाई तथा शुभकामना दिनुभएको छ । सो अवसरमा अधिकारकर्मी महिलाले राष्ट्रपति भण्डारीलाई सामूहिकरुपमा सम्मानपत्र प्रदान गर्नुभएको थियो ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: