मुक्ति समाजको सबै तहमा ३३ प्रतिशत दलित महिला अनिवार्य

Dalit Women leaders and  Social activist with Mukti Samaj President Jitu Gautam, Secretary General Ganesh B.K and Vice Chairperson Teku Nepali.

Dalit Women leaders and Social activist with Mukti Samaj President Jitu Gautam, Secretary General Ganesh B.K and Vice Chairperson Teku Nepali.

राजेन्द्र ताम्राकार
काठमाडौं÷२०, असार, एमाले निकट दलित भ्रातृ सङ्गठन नेपाल उत्पीडित जातीय मुक्ति समाजका अध्यक्ष जीतु गौतमले सङ्गठनको सबै तहमा ३३ प्रतिशत दलित महिलाको अर्थपूर्ण सहभागितालाई सुनिश्चित गरिने बताउनुभएको छ । उहाँले समाजको छैठौँ सम्मेलनबाट कम्तिमा ५० जना दलित महिलालाई केन्द्रीय कार्यसमितिमा ल्याउने प्रतिवद्धतासमेत व्यक्त गर्नुभएको छ ।
गौतमले समाजमा हाल १२५ सदस्यीय केन्द्रीय कार्यसमितिमा २५ जना दलित महिला रहेकोमा यसलाई बढाएर समाजको आगामी छैठौँ महाधिवेशनबाट दलित महिलाका लागि कम्तिमा ५० सीट छुट्याइने प्रतिवद्धता गर्नुभएको हो ।
उहाँले पदाधिकारीमा पनि कम्तिमा ३३ प्रतिशत दलित महिलालाई आगामी सम्मेलनबाट नेतृत्वमा ल्याउन समाजको नेतृत्वको हैसियतले आफूले सक्दो पहल गर्ने बताउनुभयो ।
पाँच उपाध्यक्ष, पाँच सचिवसहित १५ जना पदाधिकारी रहेको समाजमा महिला पदाधिकारीको रुपमा एकजना टेकु नेपालीमात्र समाजको बरिष्ठ केन्द्रीय उपाध्यक्षको रुपमा जिम्मेवारीमा रहनुभएको छ ।
समाजमा दलित महिलाको के–कस्तो उपस्थिति रहेको छ ? समाजले दलित महिलाका लागि के–कस्ता नीति तथा कार्यक्रम सञ्चालनमा ल्याएको छ ? समाजमा दलित महिलाको अर्थपूर्ण सहभागिताका लागि सङ्गठनले के कस्तो नीति तथा कार्यक्रम ल्याउँदैछ ?
दलित महिलालाई राजनीतिको केन्द्रमा ल्याउनका लागि समाजले के–कस्ता प्रयास गरिरहेको छ, आगामी दिनमा दलित महिलालाई सक्रिय राजनीतिमा क्रियाशिल गराउनका लागि कस्ता किसिमका नीति तथा कार्यक्रम ल्याउनु जरुरी छ ?
लगायतका समसामयिक राजनीतिक विषयमा समाजको नेतृत्वसंग छलफल गर्नका लागि दलित महिला संघको नेतृत्वमा विभिन्न पार्टीमा आवद्ध दलित महिला नेतृसहितको टोली समाजको कार्यालय बुद्धनगरमा गएको थियो ।
छलफल कार्यक्रममा दलित महिला संघकी महासचिव कला स्वर्णकारले दलित महिला संघको काम, समाज नेतृत्वसंग गर्न लागेको बैठकको उद्देश्य, दलित महिलालाई अर्थपूर्ण राजनीतिमा ल्याउन दलित महिला संघले गरिरहेका प्रयास, संघको उद्देश्य र आगामी योजनाको बारेमा संस्थाको धारणा राख्नुभएको थियो ।
सो अवसरमा स्वर्णकारले सबै नीतिको माउ नीति राजनीति भएकाले जबसम्म दलित महिलाले राजनीतिमा अर्थपूर्ण र कार्यकारी भूमिका पाउन सक्दैनन् तबसम्म समाजको समग्र विकास सम्भव नहुने कुरा बताउनुभएको थियो ।
कार्यक्रममा मुक्ति समाजका केन्द्रीय महासचिव गणेश वि.के ‘देउल्याल’ ले मुक्ति समाजमा दलित महिलाको अवस्था, उनीहरुको राजनीतिक उपस्थिति, विधानले दलित महिलाका लागि गरेको व्यवस्था, समाजको नीति, नियम, विधि विधान र आगामी योजनाको बारेमा समाजको तर्फबाट आफ्ना धारणा राख्नुभएको थियो ।
महासचिव विश्वकर्माले पार्टीले आठौं महाधिवेशनबाट दलितका लागि आठजना आरक्षित गरेपनि पार्टीभित्र महिलालाई हेर्ने विभेदकारी व्यवहारका कारण आठैजना पुरुष दलित केन्द्रीय कार्यसमितिमा आएको स्मरण गर्नुभयो ।
उहाँले यो गल्तीलाई पार्टीको नवौं महाधिवेशनबाट सच्याउनका लागि आफूहरुले महाधिवशेन हलमा मुक्ति समाजको नेतृत्वमा १६८ जना दलित प्रतिनिधिले नारा, जुलुस, घेराउ, आन्दोलन गरेको बताउनुभयो । उहाँले यति गर्दा पनि पार्टीमा दलित समुदायको आठजना आरक्षित सीटमा दलित महिलाका लागि छुट्टै सीट आरक्षित गर्न नसकेको बताउनुभयो ।
उहाँले मुक्ति समाजको निकट भविष्यमै हुन गइरहेको छैटौँ सम्मेलनमा समाजका बरिष्ठ केन्द्रीय उपाध्यक्षलाई अध्यक्षका लागि अगाडि सार्ने विचार व्यक्त गर्नुभयो । यसका लागि उहाँले उपाध्यक्ष टेकु नेपालीतर्फ सङ्केत गर्दै आगामी सम्मेलनबाट नेतृत्व लिनका लागि तयार रहन आग्रह गर्नुभयो ।
विश्वकर्माले पार्टीको दशौं महाधिवशेनबाट दलित महिलाका लागि छुट्टै सीट आरिक्षत गराउनका लागि मुक्ति समाजले पार्टीभित्र विशेष पहल गर्ने बताउनुभयो ।
छलफल बैठकमा मुक्ति समाजका उपाध्यक्ष सुन्दर विश्वकर्मा, सचिव रामकिसुन मण्डल, महिला विभाग सचिव एवं पूर्व सभासद् दुर्गा परियार लगायतले समाजभित्र दलित महिलालाई नेतृत्व, कार्यकुशलता, योग्यता र क्षमताका आधारमा उचित जिम्मेवारी दिइनुपर्नेमा जोड दिनुभएको थियो ।
छलफल बैठकमा सहभागी विभिन्न पार्टी सम्वद्ध दलित महिला नेतृहरुले समाजको नीति तथा कार्यक्रम, समाजले आगामी दिनमा दलित महिलालाई अर्थपूर्ण राजनीतिमा ल्याउन गर्नुपर्ने पहलहरु, समाजमा दलित महिलाको उपस्थिति र जिम्मेवारी लगायतका विषयमा नेतृत्वसमक्ष जिज्ञासा राख्नुभएको थियो । भने समाज नेतृत्वले ति विभिन्न जिज्ञाको सम्बोधन गरेको थियो ।
छलफलमा विभिन्न राजनीतिक दलमा क्रियाशिल काठमाडौं, भक्तपुर, ललितपुर, काभ्रेपलाञ्चोक, लमजुङ्ग, कैलाली, सोलुखुम्बु लगायतका जिल्लाका गरी १८ जना दलित महिला नेतृको सहभागिता रहेको थियो । छलफलको सहजीकरण दलित महिला संघकी बरिष्ठ सदस्य रेणु सिजापति र लक्ष्मी न्यौपानेले गर्नुभएको थियो ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: